Andy Pau 買 煲仔飯外賣突著火 大快活賠償500元餐飲券：煲底過熱及天氣異常乾燥所致煲仔飯外賣突著火

Andy Pau 昨日分享，指有朋友在荃灣海之戀大快活買了煲仔飯，但「行緊返屋企途中個飯着火！你冇睇錯，係成個飯着咗火。」從相片所見，該外賣盒被燒至黑色，瓦煲亦破碎，燒焦的紙皮散落一地。

事件引起網民熱烈討論，Andy Pau 笑言「起碼證明到個煲仔飯係熱，我食親都凍既」，亦有網民亦惡搞大快活金句由「食得夠尖大快活」改成「食得夠癲大快活」。

至今日，Andy Pau 表示「快活唔知從乜嘢渠道，拎到我同事嘅手提電話號碼，打咗電話俾同事道歉同埋商討賠償。」Andy Pau 又指，大快活提出賠償 500 元餐飲券，即時令 Andy Pau「笑咗」，並稱「不過我同事爹哋媽咪似乎唔想搞太大，所以留俾佢哋自己解決啦。」

大快活回應稱，集團昨晚收到有關投訴，對事件感到非常抱歉，十分關注事件，並即時作出調查，事件料由於煲底過熱，加上天氣異常乾燥令紙盒燃燒所致。發言人稱，集團已即時全線優化及更新包裝流程，加速煲底降溫才放入紙盒，避免同類事件再發生。